العالمي حسام هارون: مدرس تاريخ يعلم طلابه باغاني المهرجانات الشعبية

ابتكر مدرس التاريخ "حسام هارون" الملقب بـ"العالمي"، طريقة طريفة لتقديم مادة التاريخ لتلاميذه من خلال ما يعرف بـ "أغاني ‫‏المهرجانات الشعبية‬"، ولاقى أسلوبه جدلا كبيرا بين التشجيع الإيجابي وبين الانتقادات. موقع فرفش جمع لكم بعض تعليقات نشطاء التواصل الاجتماعي ومنها:

- هذا المعلم بلغ به اليأس مبلغه.. بعدما تيقن أن هذا الجيل لا يحفظ سوى الأغاني قرر تلقينهم الدروس ملحنة ومغناة.. لعل وعسى!! .. أما شتان بين التعليم والتلقين.. لا حول ولا قوة إلا بالله.

مدرس تاريخ يعلم طلابه بأغاني المهرجانات الشعبية

- انا مدرس تاريخ واشرف واكرم لي اني ابطل تدريس ولا اني اعمل المهزله دي ملعون ابو التعليم لو كان هايبقي كده المفروض ان التلاميذ تنادي عليه وتقوله ياستاذ ولا يا اسطي ولو كانت مدرسه يقولولها ياابلتي

- مادة التاريخ مادة جافة والطريقة المبتكرة جيدة وتنم عن ذكاء فهي تعطي بعض الحياة للمادة وتمحي نفور الطلبة وتحببهم في المادة ولكن هي بحاجة الى بعض التعديل في حركات المدرس بشكل خاص كي يتمكن من المحافظة على هيبة المدرس في نظر الطلبة ومكانته

مدرس التاريخ حسام هارون

- سؤال يطرح نفسه هل في اوروبا والدول المتقدمة يستخدمون هذا الاسلوب في التدريس لطلابهم (بغض النظر عن اختلاف المناهج )؟ الاجابة طبعا لأ لأنهم يعلمون الطالب احترام العلم

- ان شاء المرحله الجايه ييجو الطالبات لابسين بدل رقص عشان الحركه مع الموسيقي هتثبت المعلومه اكتر .. الله يخرب بيت اللي جعلك مدرس يا شيخ! هيا الاجيال ناقصه فساد؟ دا تاريخ يعنى يتحكى قصص ويتقرا من كتب مش يتحفظ واي لغه الفهم اقرب طريقه مش الحفظ مرمرت مهنة التدريس باللي انت بتعملو دا يوم ما نشغل دماغنا نقوم نبتكر ف الخيابه والمسخره.

- لو وصلت الماده العلميه الي الشباب بهذه الطريقه فلا يطلق عليها ماده علميه لانها قد فقدت مضمون معناها بكل المقاييس والطريقه التي يقول البعض انها مبتكره قد اخطأ لانها ليست طريقه تعليم بل طريقه تحفيظ وانا ضد هذا الاسلوب الهمجي في التعليم

- عادي جداً مدرس متطور وحديث بيقدم وبيشرح المادة بالأسلوب الحديث (علي واحدة ونص) للأسف يا أستاذ جميل. نحن نعيش في أكبر أزمة وهي أزمة الأخلاق وخاصة في مجال التعليم إللي هو أساس الحضارة في أي مجتمع ولذلك بنرجع للخلف وبخطوات سريعة جداً

- عايزه اقول لحضرتك حاجه يا مها انا اصلا مشوفتش الحلقه غير ع اليوتيوب انا باخد معاه ومفهمتش حاجه من الغني لكن من شرحه ليله الامتحان بس اقسم بالله قفلت الماده مع اني مكنتش اعرف فيها حاجه هو مش معتمد ع الغني بس بيشرح كمان تحفه، الطريقة دي اصلا حرام وكفايا جهل حراام عليكم انا مدرس وبقولكم ان المدرس ده لو كان قرأ ف الكتب العربية او الاجنبية كان لقي بدل الطريقة الف طريقة لتوصيل المعلومة للطالب.. احنا اللي بنكسل نقرأ وبنكسل نفهم والمفروض اننا نحفظ زي الحمير كده! ربنا خلقنا بعقل ... اقرأ عن عقلك واعرف قدراتك ... واقرأ كتب عن طرق التعليم بدل الفشل ده ..

- ايه العك ده ده مش تعليم خلص ده حفظ فقط ومافيش ماده بتعتمد على الحفظ فقط حتى ولو كان التاريخ ده حتى كمان فى حاجه اسمها المنهج التاريخى الى بيعتمد على المقارنات بالادله التاريخيه والتاصيل التاريخى هتقولى ده بردوا بيعتمد على الحفظ علشان كده الاعداء لو غيرولنا الحقائق لصالحهم هنحفظ ونصم زى البهايم.